Vørn logo
 Heim
 FVE
 Tíðindi
 Hagtøl
 Søgulig hagtøl
 Myndasavn
 Slóðir
 Veiðiváttan til ES
 Søga
 Leys størv
 Nøgdsemiskanning
 Talgild móttøka
 Veðrið
 Oyðubløð
 Vegleiðingar
 Fráboðan
 Eygleiðara
 Stongdar leiðir
 Uppboðssøla 2017
Vegleiðing fyri eigarar av fiskiførum í bólki 5 tá fiskifar verður selt ella lagt med alla
Vegleiðing
fyri eigarar av fiskiførum í bólki 5 tá fiskifar verður selt ella lagt med alla

Hendan vegleiðingin lýsir hvussu farast skal fram, tá eitt fiskifar við fiskiloyvi í bólki 5 verður selt uttan fiskiloyvi ella lagt med alla. 

Tá fiskifar í bólki 5 verður selt:
Sølusáttmáli verður skrivaður, sum greitt tilskilar:
hvønn bát talan er um,
hvør er keypari og hvør er seljari, og
um báturin verður seldur við ella uttan fiskiloyvi.
- Um báturin verður seldur uttan fiskiloyvi SKAL eigarin av fiskiloyvinum søkja um tilsøgn frá Vørn sbrt. § 8, stk. 4 smbr. § 8, stk. 8, í lóg um vinnuligan fiskiskap. 
- Vørn kann síðani veita eigaranum tilsøgn um, at flyta fiskiloyvi á annað far við somu ella minni fiskiorku. Tilsøgnin er galdandi fyri 2 ár. 
- Gev gætur, at øll veiðiloyvi (harundir eisini fiskiloyvi í bólki 5) fara úr gildi pr. 1. januar 2018. Tískil kann Vørn ikki veita tilsøgn í longri tíðarskeið enn til 31. desember 2017.

Tá fiskifar í bólki 5 verður lagt med alla:
Fyri at varðveita fiskiloyvi tá fiskifarið verður lagt med alla ella fiskifarið verður strika úr bátayvirlitinum hjá Sjóvinnustýrinum: 
SKAL eigarin av fiskifarinum søkja um tilsøgn frá Vørn til at flyta fiskiloyvi á annað fiskifar. 
Reglurnar fyri hvussu ein tilsøgn verður veitt, eru tær somu sum nevndar oman fyri.

Umsókn um tilsøgn skal sendast við telduposti til Vørn á: loyvi@vorn.fo. Um ivamál eru, eru tygum vælkomin at ringja til Vørn á tel.: +298 311065. 

Viðkomandi lóggáva:
§ 8, stk. 4 í lóg um vinnuligan fiskiskap:
“Verður fiskifar við veiðuloyvi lagt med alla, er ræðisavmarking skrásett í skipaskránni, ella farið verður strikað í skipaskránni, kann landsstýrismaðurin eftir umsókn veita eigaranum tilsøgn um veiðuloyvi til annað fiskifar ístaðin, sum skal verða skrásett í skipaskránni innan 2 ár frá tí degi, at tilsøgnin er givin. Fiskifarið, sum kemur ístaðin, skal lúka treytirnar í stk. 1 viðvíkjandi fiskiorku. Hevur persónur ella felag ikki gjørt nýtslu av einari sambært 1. punktum givnari tilsøgn, kann landsstýrismaðurin, tá fiskiár byrjar, tilluta bólkinum fiskirættindini.”
§ 8, stk. 8 í lóg um vinnuligan fiskiskap: 
“Ásetingarnar í stk. 1,4 og 5 eru eisini galdandi fyri flyting av fiskiloyvi millum fiskifør í bólki 5 sambært § 28, stk. 1.”

Útskriva skjalið Send skjalið
 
TÍÐINDI
06-09-2017
Kvota í Eysturgrønlandi leys at søkja
Sambært kunngerð nr. 26 frá 28 mars í 2017 grein 3 stk. 9, kann søkjas...
06-09-2017
Kvota í Eysturgrønlandi leys at søkja
Sambært kunngerð nr. 26 frá 28 mars í 2017 grein 3 stk. 9, kann søkjas...
 
Tíðindaakriv
 
Leita